Mat 26:31-35 | SwhKC | STEP | Kisha Isa akawaambia, “Usiku huu, ninyi nyote mtaniacha, kwa maana imeandikwa: “ ‘Nitampiga mchungaji, nao kondoo wa hilo kundi watatawanyika.’

Matthew 26:31-35

31 ^aKisha Isa akawaambia, “Usiku huu, ninyi nyote mtaniacha, kwa maana imeandikwa: “ ‘Nitampiga mchungaji,
nao kondoo wa hilo kundi watatawanyika.’

32 ^bLakini baada ya kufufuka kwangu, nitawatangulia kwenda Galilaya.”

33 Petro akajibu, “Hata kama wote watakuacha, kamwe mimi sitakuacha.”

34 ^cIsa akamjibu, “Amin, nakuambia, usiku huu, kabla jogoo hajawika, utanikana mara tatu.”

35 ^dLakini Petro akasisitiza, “Hata kama itabidi kufa pamoja nawe, sitakukana kamwe.” Nao wanafunzi wale wengine wote wakasema vivyo hivyo.